金運海鮮酒家 (Closed)

之前喺呢度食過晚飯，食物招待都唔差，所以今次就同屋企人嚟呢度飲茶，原來呢度係自助形式去攞點心，感覺好似細個時啲屋村酒家咁，哈哈，原來佢地有好耐無見好耐無食嘅臘味糯米包，所有餡料包左喺層薄薄黃色嘅包皮裡面，嗰浸皮喺薄到你會見到一粒粒糯米嘅形狀㗎，而家已經好少地方見到呢款點心了，今次再見到感覺上已經好有懷舊嘅味道，食落口皮薄餡靚，臘味啲香味湧曬出嚟，我Daddy就最鐘意食佢，仲有估唔到嘅係喺1點半左右侍應會好大聲咁叫話＂下午茶時間＂，話比全世界知道而家開始下午茶時段，真的非常有細個去飲茶嘅感覺。