一家

Open Now

Now Closed

今日走咗去筲箕灣同朋友交收完啲嘢之後走咗去食晚餐朋友介紹呢間餐廳主打食新派上海菜成個裝修環境都好懷舊非常適合用嚟打卡添。臭豆腐依家好少餐廳有臭豆腐食，呢度嘅即臭豆腐做得非常出色，外脆內軟配埋啲醬汁非常滋味。小籠包粒粒都皮薄餡靚，一咬落去流晒啲肉汁出嚟。口水雞面頭佈滿辣椒粒同香蒜，加上有d花椒油食落又辣又麻而且肉質嫩滑非常惹味。蟹粉焗桃膠 侍應推介我哋試吓呢個新產品，入面充滿左拆咗肉嘅蟹肉，入口非常濃郁既蟹味配上桃膠非常滋潤。餐廳嘅特飲名非常之特別我哋叫咗兩杯飲品包括非常外父同善良姨婆。非常外父其實係用咗芝士奶蓋喺面再配上伯爵茶而且入面仲加左啲芒果粒粒，芒果控一定要試下！善良姨婆就係用上咗新鮮既熱情果配上伯爵茶，仲帶有啲百里香嘅味道，飲落酸酸甜甜非常開胃。整體嚟講呢間餐廳價錢唔算好貴質素令人有驚喜，非常值得再黎試吓其他菜式。