Video
Read full review
2023-06-07
286 views
應舊同學邀約，嚟灣仔杜老誌道「樓上大排檔」食晚飯。聽說餐廳係由喜記炒蟹前總廚主理，主打避風塘菜式。餐廳裝修以懷舊大排檔做主題，店內佈置很有特色，有不少 old school 元素，例如快餐店、粉麵舖、夜總會、遊戲機中心、大押等，打卡位超多，影相呃 like 一流！天氣熱辣辣，所以一坐低就每人先點杯凍飲降降溫。揀咗大話七同百香果檸檬梳打，前者酸酸甜甜，入口好清爽；而後者亦甜度適中、果味香濃。接著是一客前菜小食老街韭菜雞紅 ($68)，韭菜翠綠嫩甜，吃下去完全無渣，雞紅滑身得嚟又夠爽口，而且唔會一夾就散，配埋啲韭菜食，味道唔錯。招牌脆皮乳鴿 ($78) 乳鴿嘅色水好靚，鮮明有光澤，鴿肉滑嫩細膩，陳皮滷水完全通透入味，加埋香燒脆皮，吃罷齒頰留香！樓上小炒皇 ($148) 小炒皇香味十足，食得出廚師嘅炒功有兩道，腰果脆卜卜、蝦乾鹹香惹味，夾埋啲魷魚、三色椒、珍珠干貝同韭菜花一齊食，口感好豐富。淮山炒蓮藕片($108) 師傅炒得好夠鑊氣，淮山同蓮藕片都很爽口，加上油份適中，感覺好健康。蟹油炒麵 ($108) 炒麵煙韌彈牙，由火喉以至份量都拿捏得啱啱好，入口帶蟹油香氣，而且食到底都無多餘油份
應舊同學邀約，嚟灣仔杜老誌道「樓上大排檔」食晚飯。聽說餐廳係由喜記炒蟹前總廚主理，主打避風塘菜式。
餐廳裝修以懷舊大排檔做主題，店內佈置很有特色，有不少 old school 元素，例如快餐店、粉麵舖、夜總會、遊戲機中心、大押等，打卡位超多，影相呃 like 一流！
天氣熱辣辣，所以一坐低就每人先點杯凍飲降降溫。揀咗大話七同百香果檸檬梳打，前者酸酸甜甜，入口好清爽；而後者亦甜度適中、果味香濃。
接著是一客前菜小食老街韭菜雞紅 ($68)，韭菜翠綠嫩甜，吃下去完全無渣，雞紅滑身得嚟又夠爽口，而且唔會一夾就散，配埋啲韭菜食，味道唔錯。
招牌脆皮乳鴿 ($78) 乳鴿嘅色水好靚，鮮明有光澤，鴿肉滑嫩細膩，陳皮滷水完全通透入味，加埋香燒脆皮，吃罷齒頰留香！
樓上小炒皇 ($148) 小炒皇香味十足，食得出廚師嘅炒功有兩道，腰果脆卜卜、蝦乾鹹香惹味，夾埋啲魷魚、三色椒、珍珠干貝同韭菜花一齊食，口感好豐富。
淮山炒蓮藕片($108) 師傅炒得好夠鑊氣，淮山同蓮藕片都很爽口，加上油份適中，感覺好健康。
蟹油炒麵 ($108) 炒麵煙韌彈牙，由火喉以至份量都拿捏得啱啱好，入口帶蟹油香氣，而且食到底都無多餘油份，做足一百分。
食完飯仲有蕃薯糖水送，蕃薯粉腍清甜，味道超正。
Post
