Video
Read full review
2012-05-09
1434 views
前果排八掛，得知友人結婚了，咁我地知佢鐘意食，咁就請佢去食飯啦，最近我就食開北京菜，但係又唔想過海食，咁我既未來秘書就話去呢間試下，但係佢就話唔好比咁大期望，間野不過不失，但依我睇唔係咁簡單……睇食評都有好多負評，咁我份人有時真係衰唔信邪，今次真係有d中招。我預先訂左隻北京填鴨，因為要訂先有得食。我地4個人去，開頭唔知叫乜好，但係見到張套餐餐單果陣，我地就立刻叫左個4人餐，因為價錢唔算貴，又多野食，基本上個4人餐夠6個人食，而本身個餐入面都有隻樟茶鴨，但係我已經訂左隻填鴨啦，所以叫部長改左佢，唔要隻樟茶鴨。個餐有5樣主菜，再加小籠包，再加高力豆沙，再加生果，真係超多野食涼菜併盤(鎮江淆肉+合桃薰蛋+唔知乜齋):個淆肉係幾好食既，又唔粉，點鎮江醋會更加帶出味道。薰蛋:三位友人都話超正，真糖心，可惜既就係我唔食蛋，唔知佢地講乜。果個唔知乜齋就冇人碰過，咁我就大膽食下，我差d要吐返出黎，因為果d木耳既味道真係好怪，d齋又林，林到咬落去就糊左，唔敢食。清炒蝦仁：好腥，同好鹹，同埋有d蝦既顏色超怪，藍色既，中輻射??燒雙方：用中式飽包住一夾金華火腿like 既薄肉，再加多塊炸餛飩皮，再加一d甜甜
睇食評都有好多負評，咁我份人有時真係衰唔信邪，今次真係有d中招。
我預先訂左隻北京填鴨，因為要訂先有得食。我地4個人去，開頭唔知叫乜好，但係見到張套餐餐單果陣，我地就立刻叫左個4人餐，因為價錢唔算貴，又多野食，基本上個4人餐夠6個人食，而本身個餐入面都有隻樟茶鴨，但係我已經訂左隻填鴨啦，所以叫部長改左佢，唔要隻樟茶鴨。
個餐有5樣主菜，再加小籠包，再加高力豆沙，再加生果，真係超多野食
涼菜併盤(鎮江淆肉+合桃薰蛋+唔知乜齋):個淆肉係幾好食既，又唔粉，點鎮江醋會更加帶出味道。薰蛋:三位友人都話超正，真糖心，可惜既就係我唔食蛋，唔知佢地講乜。果個唔知乜齋就冇人碰過，咁我就大膽食下，我差d要吐返出黎，因為果d木耳既味道真係好怪，d齋又林，林到咬落去就糊左，唔敢食。
清炒蝦仁：好腥，同好鹹，同埋有d蝦既顏色超怪，藍色既，中輻射??
燒雙方：用中式飽包住一夾金華火腿like 既薄肉，再加多塊炸餛飩皮，再加一d甜甜地，酸酸地既醬入面，幾特別幾好食。個包就好似以前一間快餐店Jack in the box 既 荷包雞咁。
北京填鴨，即係北京片皮鴨，片超脆，超香，鴨片排得好靚，有蔥同青瓜俾你包埋一齊食。平時人地酒樓好少俾青瓜，呢個都幾特別，只不過可惜個包皮超厚，同埋唔係用蒸籠一齊上，係放係個碟度，超快就凍晒，一凍d包皮就硬，食兩塊就滯……不過可以就咁食d鴨都冇問題，因為凍左都好脈皮。
上湯蛋角：個湯佢地幫你分埋一碗碗，每碗一隻蛋角，一d白菜，但係成個湯偏鹹。一般作品。
蟹粉小籠包：呢個小籠包係好多蟹粉，4人餐得4隻，但係都夠，因為佢差唔多食完隻鴨先上，每人一隻都夠，我覺得好食係因為我食到都好飽下，再食隻小籠包都覺得好好食，皮唔厚。幾好幾好。
最後再上果盤，成盤都係西瓜，但係唔知係唔係d菜式太鹹，其他3個人食都覺得d西瓜冇味，我就覺得ok，又唔係完全冇咁，係淡左d姐。
總合成餐飯我係俾唔合格，因為唔好太多，隻鴨就算點好都救唔返，我就真係唔會再黎呢度食，因為咁既價錢，好多地方都好過呢度。
Post
