Video
Read full review
2021-07-07
1576 views
呢間真係我心中頂級性價比之選😜總結一下佢嘅優點：1. 店主店員都係日本人，夠地道2. 客人大量日本人，似去咗日本🇯🇵3. 食物較大份4. 好食先係重點5. 老板員工態度好nice 6. 上菜超快7. 菜式好豐富佢就唔係啲好fancy 嘅居酒屋，不過氣氛熱鬧，同埋似家庭菜，有種温馨嘅感覺。1. 薑絲炒麵👍🏻如果驚唔飽肚可以嗌個炒麵打個底，好好食，大份，麵質有嚼頭，個汁有啲酸味似大板燒嗰隻汁。2. 炸忌廉餅👍🏻一咬落去熱到即刻吐返出嚟，真係即叫即炸噴住煙㗎。入面有啲似薯仔忌廉湯咁。3. 炸露荀👍🏻又係熱辣辣，超好味！呢個係店員介紹嘅，出面包住紫菜，入面有四條露荀，上面淋咗啲沙律醬。露荀水份完全被鎖住，好想研究下佢點炸到咁外脆內多汁。4. 池魚刺身👍🏻必叫，夠新鮮，你可以揀食完之後攞條骨去炸定煲麵豉湯，免費㗎！其他地方要加錢5. 酒盗芝士👌呢個係吞拿魚內臟加芝士，平時啲人都會配下豆腐食，用嚟送酒。味道超濃烈，所以平時如果唔食腐乳啊臭豆腐啊嘅人就要睇路啦，應該唔太接受到，不過我覺得都幾得意。佢命名由來係飲飲下酒不知不覺食咗好多（好似係的確係妹下妹下當零食咁下酒最好。6. 燒牛舌👍🏻唔使多講啦就
1. 店主店員都係日本人，夠地道
2. 客人大量日本人，似去咗日本🇯🇵
3. 食物較大份
4. 好食先係重點
5. 老板員工態度好nice
6. 上菜超快
7. 菜式好豐富
佢就唔係啲好fancy 嘅居酒屋，不過氣氛熱鬧，同埋似家庭菜，有種温馨嘅感覺。
1. 薑絲炒麵👍🏻
如果驚唔飽肚可以嗌個炒麵打個底，好好食，大份，麵質有嚼頭，個汁有啲酸味似大板燒嗰隻汁。
20 views
1 likes
0 comments
2. 炸忌廉餅👍🏻
一咬落去熱到即刻吐返出嚟，真係即叫即炸噴住煙㗎。入面有啲似薯仔忌廉湯咁。
3. 炸露荀👍🏻
又係熱辣辣，超好味！呢個係店員介紹嘅，出面包住紫菜，入面有四條露荀，上面淋咗啲沙律醬。露荀水份完全被鎖住，好想研究下佢點炸到咁外脆內多汁。
4. 池魚刺身👍🏻
必叫，夠新鮮，你可以揀食完之後攞條骨去炸定煲麵豉湯，免費㗎！其他地方要加錢
5. 酒盗芝士👌
呢個係吞拿魚內臟加芝士，平時啲人都會配下豆腐食，用嚟送酒。味道超濃烈，所以平時如果唔食腐乳啊臭豆腐啊嘅人就要睇路啦，應該唔太接受到，不過我覺得都幾得意。
佢命名由來係飲飲下酒不知不覺食咗好多（好似係
的確係妹下妹下當零食咁下酒最好。
6. 燒牛舌👍🏻
唔使多講啦就係好食嘅牛，香口。
7. 芒果沙冰清酒👍🏻
呢個好有驚喜，唔止得芒果沙冰，佢連粒冰都係將芒果肉雪涷嚟做，入面好多果肉，勁用心😍
8. 梅醬葱燒雞串👍🏻
上次食完覺得好食又叫多次，發覺呢個梅醬加紫蘇葉嘅配搭好好，決定喺屋企都咁整！
15 views
0 likes
0 comments
9. 墨魚餅👍🏻
我以為係香港嗰啲硬硬哋嘅魚餅，點知原來好軟熟，真係日式嗰隻炸魚蛋，入面都有啲粒粒墨魚增加口感。
20 views
0 likes
0 comments
另外仲叫咗巨峰清酒，又係好好味。因為佢menu好多選擇，點試都試唔晒。我就係欣賞呢啲就算好多菜式但都樣樣整得掂嘅小店😘
Post
