Le Pain Quotidien (Closed)

話說我喺金鐘返工，公司高層呢日lunch想食呢間但咁啱行唔開，叫左我去為佢walk in攞位。當時係12點左右，餐廳仲有4成空位左右，包括室內卡位同門口圓檯。餐廳中間一張有長檯放置，長檯因應限聚令人數安排，用隔板分即成3區（相鄰）,最靠邊已有4名客人進食緊。而當時一名黑人女侍應知道要求我坐長檯中間區域，我認為就安全同現在入座情況都唔係一個最理想位置，所以我轉移問佢能唔能夠安排坐身後當時無人嘅梳化卡位，佢以不足4人為由拒絕，我再轉移問門外細圓檯，唔計禁坐位置都仲有兩三張空檯，同樣被拒絕堅持我要坐長檯，所以最後惟有照坐。等待期間，餐廳陸續多人，唔單止門外細圓檯坐緊四人以下，我更發現堅稱非4人不可嘅梳化位，竟然後來都只係一位女顧客於沒有同行者情況下點餐食用接近半小時，令我有啲質疑果名侍應強調的人數下限要求。其實金鐘區餐廳選擇、位置有限，好多時安排到入座已屬難得。當然坐長檯唔係大問題，喺有空置座位情況下如果真係重視真正人數量而唔比用我當時去坐，我都惟有遵守，但無奈在我後來發現似乎未如果名咁堅守人數下限要求，令我反而感覺似被歧視，我似乎無資格坐果啲位咁。