Simply Bread (Closed)

去巴士站途中經過呢度,八卦一下餅櫃蛋糕,被售餅小姐狂sell之下入左黎睇。蛋糕的確幾別緻,都好有衝動想買,但我連帝苑都唔買而買美心??又好似有d怪相!正想打退堂鼓之際,見到麵包箱入面有好多個可愛豬頭!!!好得意呀!!!!姐姐又係我耳邊狂sell: 豬頭包好得意架,又好味!係豬扒包黎架。為左影相靚靚,我提出一個幾無理既要求:我想要個四正D既豬頭...姐姐二話不說就揭起個透明蓋比我睇清楚,最後仲幫我揀左呢個四平八穩靚豬頭,真係唔該晒!!豬頭麵包幾軟,豬扒味道幾香,而且有肉汁,2樣加埋唔會難食,味道還可,不過一定係個外型搶分最多。呢度d售餅姐姐服務態度幾熱情,不斷推介各款麵包蛋糕/remind客人而家買三送一,招呼客人係好,如果可以比時間客人去選擇會更加好。