Video
Read full review
2016-12-28
4189 views
自小係潮州嘅家庭長大，公公婆婆都係潮州人，所以每日都會食到潮州嘅小菜。特別係我最鍾意食嘅鹹菜牛肉，烏頭魚，蠔烙等等。平時不太會珍惜，因為常常一開口就有得食。人大了，公公婆婆老了，才學懂珍惜。現在自己識煮的就唯有靠自己雙手，唔識嘅唯有外面食，希望找得回他們嘅風味。螄蚶--我最愛嘅食物。初頭覺得唔知係甘，開個口嘅時候有d血汁流出來，有點怕。但公公話補血，岩我。硬著頭皮試，一試就愛上。生醃的螄蚶，有咸香加蒜頭香，再加上新鮮的海鮮味，好正。另配有白粥，潮州的白粥，獨有嘅質感，懷念。豉椒炒聖子皇--大大隻的聖子，厚肉，爽口。平時嘅豉椒炒聖子王係用豆豉同埋辣椒來炒出來，呢度除咗呢兩個材料之外仲用咗魚仔乾 ，所以炒出嚟仲會有魚仔乾嘅鹹香味，好有風味。超長身，超大隻，又夠厚肉炒饅頭-- 饅頭都可以炒？你冇聽錯。原來饅頭除咗甜食之外，鹹都好突出。饅頭切到細細粒，一粒一粒經過油炸，所以外面好脆，入面就係軟熟嘅饅頭。而味道係出面鹹鹹地，咬咗落去個饅頭中間就甜甜地，有兩種唔同層次嘅味道，值得一試。呢個黑色嘅，潮州人會叫做鼠殼粿。一般來講會有咸，有甜兩種。咸嗰種入邊就係包左花生，眉豆等等嘅材料。而甜嘅呢通常就會
人大了，公公婆婆老了，才學懂珍惜。現在自己識煮的就唯有靠自己雙手，唔識嘅唯有外面食，希望找得回他們嘅風味。
螄蚶--我最愛嘅食物。初頭覺得唔知係甘，開個口嘅時候有d血汁流出來，有點怕。但公公話補血，岩我。硬著頭皮試，一試就愛上。生醃的螄蚶，有咸香加蒜頭香，再加上新鮮的海鮮味，好正。另配有白粥，潮州的白粥，獨有嘅質感，懷念。
豉椒炒聖子皇--大大隻的聖子，厚肉，爽口。平時嘅豉椒炒聖子王係用豆豉同埋辣椒來炒出來，呢度除咗呢兩個材料之外仲用咗魚仔乾 ，所以炒出嚟仲會有魚仔乾嘅鹹香味，好有風味。
超長身，超大隻，又夠厚肉
炒饅頭-- 饅頭都可以炒？你冇聽錯。原來饅頭除咗甜食之外，鹹都好突出。饅頭切到細細粒，一粒一粒經過油炸，所以外面好脆，入面就係軟熟嘅饅頭。而味道係出面鹹鹹地，咬咗落去個饅頭中間就甜甜地，有兩種唔同層次嘅味道，值得一試。
呢個黑色嘅，潮州人會叫做鼠殼粿。一般來講會有咸，有甜兩種。咸嗰種入邊就係包左花生，眉豆等等嘅材料。而甜嘅呢通常就會包芝麻餡，芋頭又或者係黃豆。呢度就包左芝麻餡，外面嗰層皮好軟熟，煙韌，咬落去有芝麻幾香，又夠甜，非常之好嘅甜品。
唔知點解到而家先發現原來潮州嘅食物係咁好食，款式又多。以前一日有幾款任食，依家就幾個月先有得食一款，仲要自己唔郁手就無得食。
依家唔怕喇，呢到有甘多款式揀，日日食都可以食好耐，慢慢懷念下先。。Post
