Domon 札幌拉麵 (Closed)

今日去左銅鑼灣瘋狂血拼, 行到腳又軟肚又餓, 朋友仔話想食拉麵, 咁之前佢食過朗豪坊嗰間, 覺得都OK, 咁啱銅鑼灣又有分店, 所以就去左食依度。上到去覺得環境唔錯, 地方夠大, 位又夠多, 我地兩個人唔駛等位即入^^。朋友仔話要試新野, 所以點左和牛拉麵, 我就一向去邊度都係點最普通嘅叉燒拉麵~和牛拉麵: 偷吃了幾口, D牛肉好淋同好重牛味, 不過得幾舊就太少lar, 碗拉麵整體係好味, 但成百五蚊一碗, 我就唔捨得食lu~ 叉燒拉麵: 叉燒味道唔錯, 不過乾左D, 湯底濃郁重有好多配菜 (不過竟然冇我最愛嘅粟米粒…@@) 整體一般la, 冇朋友仔個和牛拉麵咁好味lor~ 可能真係一分錢一分貨。芝士年糕: 炸嘅芝士年糕先係王道!!! 外面脆卜卜, 入面軟綿綿, 唔會炸到硬過條命, 超好味~ 好過吉野家火煱嗰粒滾到成pat野嘅芝士年糕多多聲~ 美中不足係$38先得兩粒有點兒貴lor… ><