新沙洞大排檔 (好順景大廈1座) (Closed)

係元朗一間好有韓國街頭特色嘅大排檔，門口兩張枱嘅環境真係似足韓國街邊檔，店內會播放韓國MV同好多韓國海報，氣氛充滿韓風之餘食物質素都有返咁上下。鐵板燒濟州黑毛豬 $188-加配麻油紫菜飯+$18.00上枱用鐵板即燒嘅切條黑毛豬，一邊燒啲香氣一路慢慢發出嚟，燒好後嘅味道十分之香口惹味，肉身半肥瘦食落好有口感仲要好多汁，就咁食已經好好味，點埋個醬汁更係超正🤤。泡菜豬肉豆腐湯 $118都算幾足料，味道係個人比較鍾意嘅甜酸辣均勻，入面嘅豬肉口感夠嫩滑，菜都豆腐都夠鮮甜，整體唔錯。牛肉紫菜飯卷 $98好有驚喜嘅飯卷，咬落去果下會非常之多汁，牛肉味道鮮甜配合埋紫菜後口味豐富咗好多，味道比想像中正好多，一舊接一舊食到停唔到。韓國粟米茶（凍） $38餐廳有好多款供應汽水同燒酒等，而我除咗汽水之外仲試咗呢款粟米茶，將茶倒入有粟米粒同粟米串嘅杯入面道可以飲用，茶底清新配合甜甜粟米粒估唔到又幾唔錯，粟米串甜甜的幾好食😋。新沙洞大排檔 (好順景大廈1座) (元朗)元朗鳳攸南街3號好順景大廈1座地下3號舖