Milu Thai มิลู่ไทย (亞士厘道)

Open Now

Now Closed

估唔到樓上泰菜都可以舒舒服服坐低食飯飲野，而家呢個天氣坐outdoor好舒服，仲有花牆比我哋打卡影相添。坐低首先叫咗三個椰青，之後點咗串燒，同埋豬頸肉，豬頸肉非常好食，肉質好好點埋辣汁一齊食，真係好開胃。主菜點咗青咖喱軟殼蟹，同埋菠蘿炒飯。青咖喱軟殼蟹會配埋蒜蓉包，軟殼蟹新鮮炸起脆卜卜，蒜蓉包點青咖喱真係絕配，唔算好辣，但就好惹味。菠蘿炒飯，粒粒均勻，原個菠蘿上，炒飯好乾身，而且好多配料，最鍾意係每一啖飯都食到菠蘿，真係好好味。最後食埋碟馬拉盞炒椰菜苗，正！其實最重要係同朋友一齊傾偈一齊飲飲食食，呢度又坐得好舒服，過咗一個好開心嘅晚上。