北方餃子源 (水街)

Open Now

Now Closed

同男朋友一齊選擇係度晚餐。其實去得小店，當然唔會要求環境好好，但係都唔係話張枱完全唔清潔下... 環境就先唔計較。見到蔡瀾推介，對食物本身好有期望...最後得到嘅係無盡嘅失望，離曬譜！第一次食嘢食到全部涼菜都係同一隻味！萬能醬料（因為全部涼菜都係落同一隻）好鹹好重味精...食到最後，口渴到就快脫水，滿腦滿口都係呢隻醬料味。食物毫無誠意，基本上就係雪櫃攞出黎然後全部落曬同一隻醬，豬蹄有幾塊仲有冰碎係入面...因為基本上所有食物都係同一隻味...所以唔怪得上菜咁快... 餃子客觀黎講不過不失，其他不敢恭維。完全唔明蔡瀾係根據咩基準推薦餐廳。