Video
Read full review
2023-03-27
672 views
放假約咗朋友見面，最適合就係食放題，今次揀嘅呢間放題可以食足兩個鐘，而且仲有自轉串燒爐，絕對適合我呢啲懶人。星期六嘅午市每位$198，食物款式多，唔需要另外加錢都食到澳洲和牛、紐西蘭牛同黑毛豬，仲有飲品任飲，相當抵食。一入座就見到呢包玩味十足嘅濕紙巾，相當有趣。串燒有專用嘅不鏽鋼簽串住，感覺衛生，放上燒烤爐後會自轉，完全解放雙手 ，每次可以燒大概13串，設計合理。調味品方面除咗常見嘅辣椒粉、椒鹽、孜然粉同燒汁，仲有比較少有嘅泰式風味醬汁同柚子醬，選擇豐富。每台會有一個三層嘅食物架，用手機落單後食材好快就送上，排列井然有序，而且食物質素唔錯，份量亦剛好。用呢個燒烤爐最大嘅好處就係好似我呢啲手殘嘅朋友都能夠燒出非常完美嘅串燒，唔使一路同朋友傾偈一路手忙腳亂咁樣處理食物，初體驗嘅我哋覺得非常有新鮮感。值得推介嘅食物食唔少，包括五花肉、澳洲和牛、開邊雞翼、牛舌、雞軟骨、台灣黑椒腸、多春魚、杏鮑菇、翠玉瓜、菠蘿同棉花糖，特別係五花肉同雞翼，燒到外皮香脆，內裡依然保留肉汁，配上孜然粉同椒鹽，香口惹味，睇怕俾我哋自己燒嘅話未必有呢個效果。澳洲和牛油脂豐富又不失牛香，簡單加少少椒鹽調味已經非常滋味，係
放假約咗朋友見面，最適合就係食放題，今次揀嘅呢間放題可以食足兩個鐘，而且仲有自轉串燒爐，絕對適合我呢啲懶人。
星期六嘅午市每位$198，食物款式多，唔需要另外加錢都食到澳洲和牛、紐西蘭牛同黑毛豬，仲有飲品任飲，相當抵食。
一入座就見到呢包玩味十足嘅濕紙巾，相當有趣。串燒有專用嘅不鏽鋼簽串住，感覺衛生，放上燒烤爐後會自轉，完全解放雙手 ，每次可以燒大概13串，設計合理。
調味品方面除咗常見嘅辣椒粉、椒鹽、孜然粉同燒汁，仲有比較少有嘅泰式風味醬汁同柚子醬，選擇豐富。
每台會有一個三層嘅食物架，用手機落單後食材好快就送上，排列井然有序，而且食物質素唔錯，份量亦剛好。
用呢個燒烤爐最大嘅好處就係好似我呢啲手殘嘅朋友都能夠燒出非常完美嘅串燒，唔使一路同朋友傾偈一路手忙腳亂咁樣處理食物，初體驗嘅我哋覺得非常有新鮮感。值得推介嘅食物食唔少，包括五花肉、澳洲和牛、開邊雞翼、牛舌、雞軟骨、台灣黑椒腸、多春魚、杏鮑菇、翠玉瓜、菠蘿同棉花糖，特別係五花肉同雞翼，燒到外皮香脆，內裡依然保留肉汁，配上孜然粉同椒鹽，香口惹味，睇怕俾我哋自己燒嘅話未必有呢個效果。
澳洲和牛油脂豐富又不失牛香，簡單加少少椒鹽調味已經非常滋味，係encore之選。
多春魚新鮮冇腥味，用佢嘅自轉功能燒出嚟嘅多春魚非常靚仔，外皮香脆，入面又唔會太乾柴。
另外台灣黑椒腸亦非常推薦，表皮帶有蜜味，配上濃濃嘅黑椒，唔需要額外調味已經好惹味。
臨近尾聲當然要食埋甜品，有超甜嘅菠蘿同必食嘅棉花糖，棉花糖烤到外皮微脆，滋味難以抗拒！
最後嘅戰績相當唔錯，唔好以為食物細細串有機會食唔飲，我哋兩個最後係捧住肚皮走，非常滿足！Post
