城寨煲皇

Open Now

Now Closed

同閨蜜🙎🏻‍♀️ double dating👫👫，四個人有男有女，廢事諗食咩，就揀打邊爐，貪佢夠方便，而且又可以坐耐啲傾耐啲。揀咗間性價比高嘅火鍋，之前已經聽同事提過話裝修好靚，我哋未入去係門口已經感受到，門口到閘真係掂過碌蔗👑，五光十色🪩嘅光管，好搶眼💚，好有懷舊嘅感覺💈。我哋兩位女士要養生，所以選擇咗城寨龍鳳雞煲翅，濃郁嘅雞湯味再配上厚肉花膠&大件魚翅我搶埋男朋友碗湯，橫掂佢都唔洗補身😏，唔好浪費🫢。我哋都鍾意食啲香口嘢，黃金魚皮就岩哂我哋口味，一舊就咁食一舊點湯食，各有各風味🎏另外再點咗店員推薦💟嘅城寨封門柳💟封門柳嘅肉味係成隻牛🐮入面最濃，而且一隻牛入面得好少位為咗唔好對唔住隻牛，我哋每次都夾實🥢，見到一轉色就拎返起，食落口肉質鬆軟唔韌，牛肉味真係好濃，超正🤩🤩🤩。男子組又話要養生😒，叫咗農場鮮雞子😖，佢哋食到舔舔脷😋😋😋，因為我無食評價唔到😏最後有鹽燒鮑魚加海膽，燒香味好襯個海膽嘅甘香，鮑魚燒得岩岩好，唔會好難咬🤗