Video
Read full review
2024-07-28
6287 views
任食火鍋又多咗一個選擇。位於尖沙咀嘅家嫂一家大細火鍋放題，可以滿足你三個願望，打卡、雞煲同埋任食邊爐。舖頭主打冇限時任食火鍋。同過朋友和同過同屋企人嚟食，其實食物質素唔差，選擇好豐富。而且冇限時，最早五點入座可以食到10點，好適合同朋友聚會傾偈。 訂座五位或以上就會有刺身船，第一次食嘅時候，真係覺得好震撼。成張枱咁長嘅海鮮船，要兩個人先抬到出嚟，上面有各種刺身同海鮮，按人頭分配。刺身基本上食過幾次，質素都好穩定。會有唔同嘅時令海鮮，每次都有新意。一開始入座嘅時候會有數款小食提供，蝦多士同埋紅糖糍粑就係我嘅最愛。小食食得差唔多，就可以叫店員上刺身。刺身只有一轉，冇得refill，食完刺身就會上雞煲。雞煲可以揀辣度，但未算好吸引，味道中規中矩，如果細食嘅朋友建議可以省略雞煲嘅環節，直接上火鍋。火鍋有唔同嘅湯底選擇，第一次食建議揀花膠雞湯鍋。湯底濃郁，會有黏口嘅感覺，用嚟打邊爐都好夾。店員會先上一盤海鮮、蔬菜盤、餃子手打丸拼盤同埋炸魚皮枝竹。海鮮種類繁多，鮑魚、蝦、貴妃蚌、魷魚、蠔、珊瑚蚌等等…… 所有枱上嘅食物都可以任意refill。而夜晚7:30後，更加可以Order蟹。肉類方便，都有提
訂座五位或以上就會有刺身船，第一次食嘅時候，真係覺得好震撼。成張枱咁長嘅海鮮船，要兩個人先抬到出嚟，上面有各種刺身同海鮮，按人頭分配。刺身基本上食過幾次，質素都好穩定。會有唔同嘅時令海鮮，每次都有新意。
一開始入座嘅時候會有數款小食提供，蝦多士同埋紅糖糍粑就係我嘅最愛。小食食得差唔多，就可以叫店員上刺身。刺身只有一轉，冇得refill，食完刺身就會上雞煲。雞煲可以揀辣度，但未算好吸引，味道中規中矩，如果細食嘅朋友建議可以省略雞煲嘅環節，直接上火鍋。
火鍋有唔同嘅湯底選擇，第一次食建議揀花膠雞湯鍋。湯底濃郁，會有黏口嘅感覺，用嚟打邊爐都好夾。店員會先上一盤海鮮、蔬菜盤、餃子手打丸拼盤同埋炸魚皮枝竹。海鮮種類繁多，鮑魚、蝦、貴妃蚌、魷魚、蠔、珊瑚蚌等等…… 所有枱上嘅食物都可以任意refill。而夜晚7:30後，更加可以Order蟹。肉類方便，都有提供豬肉肥牛，但只係普通貨仔。講真食物選擇其實好多，而海鮮嘅質素都算穩定。要挑剔嘅可能係蠔係冰鮮蠔，有時會解凍得唔好/唔新鮮。
同埋夜晚會有姐姐推住一輛酒車拜訪每一台，可以免費飲紅白酒同埋日本清酒，都幾得意，鍾意飲酒嘅朋友唔好錯過。
而喺飲品方面，店家都好有心思，有唔同嘅自家手搖飲品，除咗有果茶之外，更有竹蔗茅根和洛神花茶等，任君選擇。甜品有兩三款雪條，可以淺嘗。
總括而言，家嫂環境坐得舒服，不限時，任飲任食，食物種類繁多，價錢可接受。推薦比鍾意食海鮮嘅朋友，而且冇限時唔怕俾人趕，同朋友聚會唔洗諗下場。但如果打邊爐係鍾意食牛肉豬肉嘅朋友就唔多適合啦。
Post
