Video
Read full review
2022-10-25
1067 views
原本約咗朋友去ifc食飯，book好哂去到⋯座位好狹窄，等於同左右各一邊嘅兩位、即係六位一齊食飯，完全冇私隱傾偈嘅餘地，所以忍唔住我就提出去第二度食。然後我又做咗搵食專家😅嗱嗱臨搵另一個地方，因為係新店我都未試過，不過見到佢哋個海鮮拼盤靚到爆，所以諗住唔太好食都打吓卡😜點知⋯整體我都好滿意，雖然係開放式餐廳，不過唔會覺得好嘈吵，坐得又舒服，好彩轉場啫！🏷雜錦海鮮拼盤/兩位用 $498龍蝦(半隻）、精選生蠔(兩隻)、北海道帶子(兩隻)、藍青口、鑽石蜆、海蝦、西班牙八爪魚🏵
然後我又做咗搵食專家😅嗱嗱臨搵另一個地方，因為係新店我都未試過，不過見到佢哋個海鮮拼盤靚到爆，所以諗住唔太好食都打吓卡😜
點知⋯整體我都好滿意，雖然係開放式餐廳，不過唔會覺得好嘈吵，坐得又舒服，好彩轉場啫！
🏷雜錦海鮮拼盤/兩位用 $498
龍蝦(半隻）、精選生蠔(兩隻)、北海道帶子(兩隻)、藍青口、鑽石蜆、海蝦、西班牙八爪魚
🏵[食評］賣相就唔洗多講，個大貝殻真係靚到爆，海鮮都相當新鮮，不過龍蝦只有半隻就唔夠喉，二人份、每人半隻會比較好，不過可能將貨比價啦！
提吓個醬汁，有六款選擇、包括有：（上）紅酒汁、青醬、千島醬、（下）生蠔醬、黃辣椒醬、檸檬蓉，梗有一個味道啱你😋
🏷烤牛骨髓伴紅酒燴牛肋，牛肝菌及多士 $168
🏵[食評］ 醬汁濃郁、重口味朋友好啱食，牛骨髓塞滿哂係成條牛骨裡面，配埋個牛面肉紅酒醬汁好搭配，當牛油揸係多士上面食⋯好正，不過可惜塊多士太細件。
熗豬臉頰手工意大利麵 $168
手工意粉做得好煙韌，豬面頰肉分量十足，醬汁底濃度、味道做得剛好，沾滿每條手工意粉，唔會汁還汁、意粉還意粉嘅口感。
Sparkling Water $36
當日唔想飲酒類飲品，雖然配海鮮唔點酒類配搭有啲失惜，不過呢枝Evian Sparkling Water只係$36咁大枝，目測有900-1L，我覺得好抵飲。
Post
