Terrace in seaside (海運大廈)

Open Now

Now Closed

呢間連鎖嘅韓式咖啡店主打多款創意韓國美食，前菜、小食、主食、甜點、飲品樣樣有齊，主要以柑橘為主題，連店員嘅頭上都有一粒柑超級無敵可愛😛 店內裝潢簡約，環境唔大，食物價格合理，地點方便，適合約閨蜜嚟聚餐。餐廳有個挑戰活動，只要點「少少芝士黑松露油薯條」及 Follow 社交平台就可以參與遊戲。有15秒刨芝士，若能將所有芝士鋪滿整碟薯條即可以免費換領「綠雪奶蓋聖誕西柚綠茶」一杯！薯條香脆可口，新鮮熱辣辣，值得一試。主食有韓式奶油排骨鍋，有原味或辣味，奶油滑順，排骨大塊多肉，仲有粉絲、年糕、蘿蔔同薯仔，若有埋碗白飯撈仲正，冬天必叫。另有粒粒八爪魚意大利燉飯，醬汁完美地融合喺燉飯入面，香氣四溢，八爪魚Q彈爽口，鮮甜入味，色香味俱全。甜點有不會爬煙囪的聖誕老人朱古力窩夫，個名好長，充滿聖誕氣氛，少女心爆發，打卡一流，Waffle外脆內軟，散發著淡淡嘅朱古力味，比想像中出，另搭配邪惡Cream，可按個人喜好加。飲品鋪上厚厚一層嘅奶蓋，飲落清新，解膩。