Video
Read full review
2021-11-17
301 views
近排食得日本菜多，所以今次食下西餐，餐廳係尖沙咀亞士厘道，交通都算方便，而裝修主要係用紅磚同水泥既簡約工業風格，加上唔同既掛飾，別具心思。而且梳化位位置都夠闊，坐落都幾舒服。最緊要係店員服務態度好好，食都食得開心d😂海鮮船就咁睇都知打卡呃like一流。但除左外型討好之外，其實食物質素一d都唔差。船上掛住一杯杯既分別係生蠔、大蝦Cocktail、牛油果蟹肉同磯煮鮑魚。生蠔鮮甜爽口帶海水味，最特別既係會有wasabi汁、威士忌汁同清酒汁配塔一齊食，非常有心思。Wasabi 汁酸酸甜甜，威士忌汁酒香味濃，清酒汁帶甜味。可以食到好多唔同配塔~大蝦Cocktail既大蝦幾新鮮，肉質爽彈帶鮮甜味，Cocktail 汁酸酸甜甜蕃茄味濃郁，食完好開胃牛油蟹肉沙律上面有魚子醬同金箔，略顯奢華。而且蟹肉份量都幾多，加埋牛油果一齊食，都幾飽肚😂磯煮鮑魚煮得好淋而且好入味，可以夾埋飛魚子一齊食，口感脆卜卜，幾得意Pulled Pork Nachos （＄128）好大碟份量好多，烤豬肉絲、芝士、酸忌廉、莎莎醬、牛油果醬、橄欖同我最鍾意既墨西哥辣椒樣樣齊，基本上淨係食佢都飽西西里蟹肉扁意粉（$178）意粉做到Al
海鮮船
就咁睇都知打卡呃like一流。但除左外型討好之外，其實食物質素一d都唔差。船上掛住一杯杯既分別係生蠔、大蝦Cocktail、牛油果蟹肉同磯煮鮑魚。
生蠔鮮甜爽口帶海水味，最特別既係會有wasabi汁、威士忌汁同清酒汁配塔一齊食，非常有心思。Wasabi 汁酸酸甜甜，威士忌汁酒香味濃，清酒汁帶甜味。可以食到好多唔同配塔~
大蝦Cocktail既大蝦幾新鮮，肉質爽彈帶鮮甜味，Cocktail 汁酸酸甜甜蕃茄味濃郁，食完好開胃
牛油蟹肉沙律上面有魚子醬同金箔，略顯奢華。而且蟹肉份量都幾多，加埋牛油果一齊食，都幾飽肚😂
磯煮鮑魚煮得好淋而且好入味，可以夾埋飛魚子一齊食，口感脆卜卜，幾得意
Pulled Pork Nachos （＄128）
好大碟份量好多，烤豬肉絲、芝士、酸忌廉、莎莎醬、牛油果醬、橄欖同我最鍾意既墨西哥辣椒樣樣齊，基本上淨係食佢都飽
西西里蟹肉扁意粉（$178）
意粉做到Al dente,食落爽口唔會過淋，醬汁蕃茄味濃略帶酸味，蟹肉份量都唔少，整體黎講唔錯
海神比薩（$188）
成12寸，而且上面有好多海鮮，幾個人食都夠，最後要打包😂
布朗尼配雲呢拿雪糕（$108）
呢度連甜品既份量都有返咁上下，布朗尼新鮮焗起熱焫焫，外層做到鬆脆，朱古力味好濃，配埋鮮忌廉同雲呢拿雪糕一齊食真係肥死😂，好彩仲有d士多啤梨同藍莓食下，除左清一清口腔之外，仲好似減左少少罪惡感😂
Poseidon's Treasure（＄108）
又係打卡一流，用個寶箱裝住，一打開會有陣薄霧升起，仲有好多生果伴碟。本身係用碟豆花、檸檬同雪碧，飲既時候再倒d Rum酒溝埋一齊飲，入口酸甜帶d酒味，幾易入口
Tropical Princess （＄88）
由菠蘿、熱情果、檸檬、橙同紅茶溝成，甜甜地果味幾香，入口清新
Post
