麻辣風雲 (京都廣場) (Closed)

中意食酸菜魚既我終於係香港搵到一間高質要bookmarked既麻辣風雲！呢度主打川菜，小食既涼拌燒椒皮蛋🥚夠晒開胃，皮蛋係口腔有一種回甘既香味，而且非常入味，麻麻辣辣，超級香口，細細碟開下胃就岩！主角就當然係酸菜魚🐟酸菜魚勁大盆，我地兩個女仔食都食唔晒！成盆除咗有大量既魚片，亦有好多芽菜酸菜，又有啲寛粉，而且魚片肉質厚實嫩滑，又入味，酸酸辣辣，又有麻痺既刺激感，正呀！另一重點就係好有霸氣既荔枝蝦球🍤蝦球掛係樹上面，炸脆既蝦球食到淡淡既荔枝香，咬開就係爽口彈牙既蝦肉，仲有個甜甜地既醬可以點，味道更有層次！最後一個打卡食物就係人氣炸饅頭🍞一艘載住諸葛亮，插住麻辣風雲旗幟既船噴晒煙咁上枱，饅頭熱辣辣好鬆軟，口感好好，點埋煉奶食就岩岩好！