Lady Nara

Open Now

Now Closed

今日同朋友嚟咗尖沙咀覓食，行吓行吓就見到呢間位於海港城嘅lady Nara。佢入邊嘅裝修係行少女風，滿滿嘅粉紅色，而且仲有好多打卡嘅位置，有一排嘅位甚至可以睇到海景店員安排咗我哋坐一張圓枱，坐得好舒服，仲有兩張藤椅俾我哋影相。我哋一共嗌咗四樣嘢，分別係青咖喱雞加印度薄餅、菠蘿肉鬆海鮮炒飯同香蕉薄餅配榛子煉奶。佢嘅青咖喱雞有好香嘅香料味，而且入邊嘅雞份量超多，幾乎半盤都係雞肉，材料非常豐富。配埋印度薄餅一齊食，味道好濃郁。而佢嘅菠蘿肉鬆海鮮炒飯，係用半個菠蘿嚟上碟，同埋佢啲飯堆到滿晒，份量真係好有驚喜。而且佢嘅飯入邊材料都唔馬虎，有蝦、帶子、青口等等。每一啖都食到好多唔同嘅海鮮，口感非常豐富。最後喺甜品方面，嗌咗佢嘅限量薄餅，喺薄餅中間夾雜着香蕉嘅肉，面頭配上榛子醬同煉奶，口感非常豐富，而且味道都唔會死甜，好有層次。