Couple's Kitchen (Closed)

🔼呢個tea set 絕對值得打卡。 用咗優雅英式宮廷風三層下午茶架，野食present 出嚟好IG-able~ 飲品佢prest 咗一整壼洛神花茶，用咗鳥籠擺盤， 配上粉紅雲石紋茶杯，少女心滿滿😍🔼 下午茶底層有薯仔大蝦沙律、脆薯條、花椒麻辣炸雞翼、煙三文魚斑㦸卷、芝士雜菌焗酥盒，中層有檸檬慕絲蛋糕、伯爵茶慕絲蛋糕、松露朱古力蛋糕、柚子芝士慕絲蛋糕、馬卡龍，頂層有英式提子鬆餅🔼個人最鐘意英式提子鬆餅同松露朱古力蛋糕同煙三文魚斑㦸卷。鬆餅溫度熱辣辣，點埋蜜糖食好有冬日感。 松露朱古力蛋糕朱古力creamy 濃郁又唔會太甜，三文魚斑㦸卷清爽開胃。🔼我同朋友都另外仲叫咗炭燒紐西蘭牛肉眼扒意粉同一杯叫無中生柚嘅特飲。肉眼扒唔會太肥，油脂適中，份量都大。特飲用咗柚子茶、下午茶、梳打水調配，酸甜清爽，好解膩🔼埋單三百幾