Video
Read full review
2024-04-25
355 views
之前返工，同事勁雀躍同我分享呢間啲刨冰好好食。我心諗，刨冰咪就係水同糖漿，可以有幾好食呢？點知呢間真係有驚喜🤩 款式唔算好多，水果味就更加少，不過啲配搭聽落都幾吸引 揀咗伯爵奶茶味配白玉，份量超大，大過個頭！最頂有3粒白玉，口感幾煙韌。啲冰唔算綿花咁軟，有冰塊感，但仍然做到入口即溶，一啲都唔硬或者𠝹口。個伯爵奶茶味好濃郁，一啲都唔假，亦都唔甜，份量好夠，唔會食食下溝淡晒，估唔到味道係咁出色😋再加分係佢入面收埋咗其他配料，中層有餅乾碎，底層有牛奶布甸，一路食都有唔同嘅口感味道層次，滿足！（順帶一提：另外加48蚊嘅蕨餅就麻麻地，唔值得加） 呢間刨冰店打破咗我對傳統刨冰嘅冇好感印象，會心思思想再嚟！同事果然冇介紹錯😋*****多quota評價：😋Quota花得值(🤮<☹️<😐<😋<🤤)
款式唔算好多，水果味就更加少，不過啲配搭聽落都幾吸引
揀咗伯爵奶茶味配白玉，份量超大，大過個頭！最頂有3粒白玉，口感幾煙韌。啲冰唔算綿花咁軟，有冰塊感，但仍然做到入口即溶，一啲都唔硬或者𠝹口。個伯爵奶茶味好濃郁，一啲都唔假，亦都唔甜，份量好夠，唔會食食下溝淡晒，估唔到味道係咁出色😋再加分係佢入面收埋咗其他配料，中層有餅乾碎，底層有牛奶布甸，一路食都有唔同嘅口感味道層次，滿足！
（順帶一提：另外加48蚊嘅蕨餅就麻麻地，唔值得加）
伯爵奶茶配白玉
218 views
0 likes
0 comments
呢間刨冰店打破咗我對傳統刨冰嘅冇好感印象，會心思思想再嚟！同事果然冇介紹錯😋
*****
多quota評價：😋Quota花得值
(🤮<☹️<😐<😋<🤤)
Post
