阿爺燒鵝餐室

Open Now

Now Closed

因為之前有位朋友請我食燒鵝下庄而我又覺得幾好味，所以我禮拜六決定專登走去大圍買一次嚟食。我去到已經好多人喺門口等位同外賣，至於我就諗左5分鐘之後決定都係買燒鵝下庄嚟食，再加上呢度啲食評話鵝油撈麵好正，咁我又嗌咗個$90嘅燒鵝乳豬鵝油撈麵，咁我滿心歡喜咁拎住咁重嘅外賣返屋企。返到屋企，一打開燒鵝嗰盒，嘩~即刻由心裡面x左出聲，個鵝脾正常舖上面，但中間好明顯無左2件，個脾中間個位空左，似係比人拎走左，個鵝脾即刻變左好短，成隻細雞脾咁，盒燒鵝得返嗰三分一盒，真係堅嬲，同我第一次朋友請我食嘅完全唔同，之後都諗住好食就算，點知！嚟到個撈麵，嘩~我個心情差到極點，$90蚊你比啲咁嘅垃圾我，乳豬算正常，個燒鵝。。頂，比啲餸頭餸尾（即係超鹹舖底嗰啲）比我？唔係呀？我比$90，你比啲垃圾我？啲撈麵又唔係特別好食，定係受我心情影響？或者我搭左3個字車所以變唔好食？By the way，我以後都唔會幫襯呢間垃圾舖，幾好食都假，打虎頭打到咁痴線我都係第一次見！真係比錢買難受！