駿景軒 (Moved) New Location

因為天氣涷左，所以同屋企人去左駿景軒打邊爐。其實都黎過好幾次，不過次次都無影相嗰時又未成為Open Rice會員，所以無寫食評。因為廚房唔需要煮，所以打邊爐講求食物同混醬材料新鮮。駿景軒所有食物都好新鮮。服務果然係酒店級，永遠唔洗叫都會識加湯，換碟，真係令人食得好舒服好衛生。今次重點推介：　黃沙潤!!! 我以前唔鍾意食豬潤既，不過爸爸話我知唔係好多地方有黃沙潤食叫我一定要試，所以就食左塊。嘩！真係冇介紹錯。正到暈。佢完全冇我以前食過嗰隻＂好粉＂既感覺，好滑，重有點爽，更加改變左我對豬潤既睇法。我記得以前食過嗰D豬潤係好＂沙＂，好＂嚡＂，好粉，而且有異味，但今次係冇哂依D缺點之餘我重要覺得黃沙潤好好食!!! 我自己重encore左多碟黎食。　豬肉丸!!! 有蝦既豬肉丸都係第一次食。yum yum!!! 咬落去第一個感覺係好新鮮好爽口。因為佢唔係只有豬肉，而係有蝦同mushroom，所以冇左平時既嗰個單調感。　正!!! 真係好食到一定要讚。　我地所有人都好欣賞佢既混醬。材料新鮮，款式多，最high就係有生磨芝麻同麻醬。生蒜同蔥係我自己favourite，所以落左好多。其他食物都好新鮮，