Video
Read full review
2013-02-28
1276 views
之前響網上見倒明星有最新既抗通脹優惠.....$98清蒸大海斑....襯今日有時間....就一心想去一試...6pm就去到....基本上唔洗等位....好快就入座雖則黎既目的就係食大海斑....但無理由齋點一個餸咁樣衰....所以都點多左兩個菜....$58蔥爆豆豉雞煲 $43紅燒北菇豆腐.....最先上既係蔥爆豆豉雞煲....味道只屬一般....一食就知係冰鮮雞....無咩雞味可言....食落只有豆豉味.....更甚係雞肉既份量亦唔多....感覺上食乾蔥青椒多過食雞.....第二味上既係紅燒北菇豆腐....完全失望....我地第一個反應係d北菇呢？....明明叫紅燒『北菇』豆腐....就竟然全隻碟就只有面果兩三片小小既北菇片....幾坤水下....另外紅燒汁亦唔多....味道好淡....就好似食緊無點醬既豆腐件咁....失敗.....終於都到主角出場....確實係清蒸『大』海斑....無『碟大魚細』既問題....對比起最近去過稻香食既孖寶老虎斑.....依條真係大條好多....同擺酒食既size差無幾....食落亦算鮮味可口....雖然嚴格講係過熟左少少....但$98既價錢就絕對超
之前響網上見倒明星有最新既抗通脹優惠.....$98清蒸大海斑....
襯今日有時間....就一心想去一試...6pm就去到....基本上唔洗等位....好快就入座
雖則黎既目的就係食大海斑....但無理由齋點一個餸咁樣衰....
所以都點多左兩個菜....$58蔥爆豆豉雞煲 $43紅燒北菇豆腐.....
最先上既係蔥爆豆豉雞煲....味道只屬一般....一食就知係冰鮮雞....無咩雞味可言....食落只有豆豉味.....更甚係雞肉既份量亦唔多....感覺上食乾蔥青椒多過食雞.....
第二味上既係紅燒北菇豆腐....完全失望....我地第一個反應係d北菇呢？....明明叫紅燒『北菇』豆腐....就竟然全隻碟就只有面果兩三片小小既北菇片....幾坤水下....
另外紅燒汁亦唔多....味道好淡....就好似食緊無點醬既豆腐件咁....失敗.....
終於都到主角出場....確實係清蒸『大』海斑....無『碟大魚細』既問題....對比起最近去過稻香食既孖寶老虎斑.....依條真係大條好多....同擺酒食既size差無幾....
食落亦算鮮味可口....雖然嚴格講係過熟左少少....但$98既價錢就絕對超值.....
另外叫左兩個白飯(成$10碗).....計埋加一茶錢.....埋單都要$265.....
本來因為條咁抵食既大海斑想比『』樣的....但其他兩味菜實在令今次評分大打折扣...
實在比唔落手....唯有只能比『OK』了.....
Post
