石記餐廳 (Closed)

今日係天后開完會未到12點諗住食埋晏先返工司，起初想去食粉，但去到門口先知開12點半。维 景酒樓又唔知點解好多差人圍住，所以就行左出來搵野食。見呢到好似唔錯，所以就坐低，不過全程都係無人理我。叫左個海南雞飯，包飲品，菜，飯可以要白飯或油飯，$58，好貴。雞係用雞脾，都幾"林"，我要左個油飯，唔香但有用香茅味，而且d飯幾爛下，見唔到完整既一粒粒飯。d醬油只有葱油同辣椒蒜，無黑醬油。葱油只有油味，辣椒蒜就偏酸。唯一覺得唔錯係個凍0茶，都幾有紅茶味。不過，以$58食一餐都唔貴，不過真係唔知點解"口甘"就叫海南雞飯，唔係有雞同加有d雞味既飯就叫海南雞飯，最多都係叫切雞飯。