Video
Read full review
2021-04-15
108 views
真係好耐冇食泰國菜了, 泰菜癮起, 今晚喺中環揀咗間平民泰菜泰、越、港, 一間有齊泰式、越南及港式美食的食店。點解我會話抵到冇朋友? $148 for two, 喺中環區嚟講, 簡直抵食到冇朋友!!散叫都唔貴, 幾十蚊已經可以食set 了。泰式黃咖哩牛腩煲 ($78)大大煲, 內有好多半肥瘦牛腩及牛筋, 配料有洋蔥、薯仔及青紅椒。 咖哩汁香而不辣, 辣度很輕, 撈飯拈包食也一流。~牛腩肉軟身, 索滿咖哩汁, 好味。~牛筋爽口的, 亦有腍滑的部分。法式蒜蓉包($30)30蚊有五片即制法式蒜蓉包, 又係抵食到冇朋友。麵包搽上蒜蓉醬焗到香脆可口, 咬落真係索索聲, 脆卜卜的, 滿口蒜蓉香。索咖哩汁都正泰式拼盤配泰式甜醬 ($88)全部兩件, 一人一件唔使爭食; 2隻雞翼、2件沙嗲雞肉串燒、2件蝦餅及2條春捲。沙嗲雞肉串燒 ~ 沙嗲醬惹味, 香而微辣, 配上燒得嫩滑的雞肉, 香口得嚟又juicy。蝦餅 ~ 蝦餅外層炸得香口 , 內裡唔乾, 很彈牙, 蝦肉本身已經有少少鹹香, 沾少許泰式甜醬更惹味。春捲 ~ 春捲餡以蘿蔔及素菜等素菜為主, 勝在炸得脆口。迷你椰汁芒果糯米飯 ($34)迷你糯米
點解我會話抵到冇朋友? $148 for two, 喺中環區嚟講, 簡直抵食到冇朋友!!
散叫都唔貴, 幾十蚊已經可以食set 了。
泰式黃咖哩牛腩煲 ($78)
大大煲, 內有好多半肥瘦牛腩及牛筋, 配料有洋蔥、薯仔及青紅椒。
咖哩汁香而不辣, 辣度很輕, 撈飯拈包食也一流。
~牛腩肉軟身, 索滿咖哩汁, 好味。
~牛筋爽口的, 亦有腍滑的部分。
法式蒜蓉包($30)
30蚊有五片即制法式蒜蓉包, 又係抵食到冇朋友。
麵包搽上蒜蓉醬焗到香脆可口, 咬落真係索索聲, 脆卜卜的, 滿口蒜蓉香。
索咖哩汁都正
泰式拼盤配泰式甜醬 ($88)
全部兩件, 一人一件唔使爭食; 2隻雞翼、2件沙嗲雞肉串燒、2件蝦餅及2條春捲。
沙嗲雞肉串燒 ~ 沙嗲醬惹味, 香而微辣, 配上燒得嫩滑的雞肉, 香口得嚟又juicy。
蝦餅 ~ 蝦餅外層炸得香口 , 內裡唔乾, 很彈牙, 蝦肉本身已經有少少鹹香, 沾少許泰式甜醬更惹味。
春捲 ~ 春捲餡以蘿蔔及素菜等素菜為主, 勝在炸得脆口。
迷你椰汁芒果糯米飯 ($34)
迷你糯米飯放上香甜多汁的芒果粒, 再淋上濃杰香甜椰汁。
真有誠意, 估唔到糯米飯係三色的, 有紫糯米飯、白糯米飯及以班蘭葉煮成青糯米飯, 粒粒圓潤, 香甜煙韌。
泰式熱奶茶 ($18)
食到飽飽的, 有埋飲品, 每人$124 only, 抵食。
Post
