甜屋 (Closed)

今晚約左朋友食韓燒，時間尚早，放工後一個人係駱克道漫步。行到甜屋門前，被佢哋張貼的宣傳剪報吸引，入左去柯打左下午自選雙拼風味甜品套餐：2條炸蝦卷、2隻韓式柚蜜炸雞中翼配雞蛋牛奶布丁。炸蝦卷皮香脆、蝦爽，咬落啖啖彈牙蝦肉，yummy；雞中翼則較普通，一層麵粉炸漿包著雞翼，「粉肉」分離，不太入味，淋上柚子蜜稍為增加點味道；布丁頗滑溜、奶味重，焦糖沉澱係下面，要用匙攪拌後先食，否則食到最後會好甜。不過，美中不足的是：小妹食唔出有雞蛋的味道﹗甜品魔的小妹始終鍾情於某品牌出產的雞蛋牛奶布丁，滑溜有蛋味又有奶味，抵讚﹗