Video
Read full review
2017-05-04
332 views
因為好鐘意Apple Green，所以都想試Brooklyn好耐。今日去睇戲之前有大半個鐘時間，就決定黎呢度食d野 其實一心係想食lunch的，諗住應該serve到3點，不過2點幾入去已經係Tea time嚕。入到去成間餐廳都好黑，d燈開好暗，淨係靠窗外自然光，所以基本上所有食客都坐近窗口。快望一眼價錢，多數50-70蚊咁上下，包野飲算幾抵食。揀左Fish & Chips同English Breakfast Tea。坐左一陣好快就上餐飲，因為飲開茶都加鮮奶，所以另外問佢拎。野食轉個頭都到了，望落不錯，份量亦好夠。附帶2款醬，1款Tar Tar，1款食落似BBQ Salsa，2款食魚同薯條都好夾，Tar Tar就比較漏同濟少少。講返野食質素先，魚肉都幾嫰滑，層炸粉比較似炸雞嗰種，個皮好脆但我比較鐘意英式Fish & Chips嗰種beer battered，所以剝開一半皮冇食 薯條係skinny fries，口感冇粗薯咁多薯味，而且一定係一早炸起哂所以唔夠熱，食落一般般啦… 但落左cajun粉黎調味呢樣係加分嘅。除左薯條，佢仲有d炸skinny fishes，不過一上菜就已經係凍嘅，食
其實一心係想食lunch的，諗住應該serve到3點，不過2點幾入去已經係Tea time嚕。入到去成間餐廳都好黑，d燈開好暗，淨係靠窗外自然光，所以基本上所有食客都坐近窗口。
快望一眼價錢，多數50-70蚊咁上下，包野飲算幾抵食。
揀左Fish & Chips同English Breakfast Tea。坐左一陣好快就上餐飲，因為飲開茶都加鮮奶，所以另外問佢拎。
野食轉個頭都到了，望落不錯，份量亦好夠。附帶2款醬，1款Tar Tar，1款食落似BBQ Salsa，2款食魚同薯條都好夾，Tar Tar就比較漏同濟少少。講返野食質素先，魚肉都幾嫰滑，層炸粉比較似炸雞嗰種，個皮好脆但我比較鐘意英式Fish & Chips嗰種beer battered，所以剝開一半皮冇食 薯條係skinny fries，口感冇粗薯咁多薯味，而且一定係一早炸起哂所以唔夠熱，食落一般般啦… 但落左cajun粉黎調味呢樣係加分嘅。除左薯條，佢仲有d炸skinny fishes，不過一上菜就已經係凍嘅，食落淋哂，感覺好油膩
整體服務一般啦，不過不失。帶位嗰位哥哥仔冇咩禮貌，同佢講完幾多位，佢粒聲唔出就帶我入去坐，冇eye contact又冇笑容。幫我落單嘅女仔就幾有禮貌，雖然冇咩笑容但都算友善同helpful。可能都係一班後生仔啦，見食客少所以傾計好大聲又會講下粗口，不過明嘅，而家做飲食業其實壓力好大，所以都唔需要太嚴肅對待。只係如果佢地對客人態度好d就更好啦～
Overall下午茶食個fish & chips配茶，的確係好開心嘅，不過食物同服務質素一般，就唔會成日幫襯嚕。
Post
