Video
Read full review
2020-12-14
733 views
香港人一定聽過「龍門冰室」依個名，對於龍門嘅食物質素就有唔同嘅評價，以下午茶嚟講，我就覺得食物都屬於中上水準💛黑松露炒蛋多士餐🍳炒蛋夠香滑，保留到適量蛋汁，更重要嘅係黑松露嘅份量一啲都唔孤寒，每一口炒蛋都有濃濃嘅松露香，滿足晒我依個黑松露lover💛個餐連埋一塊薯餅，薯餅係比較厚身嗰款，外層香脆又唔會炸到乾爭爭💦多士可以轉做蒜蓉脆豬、奶油脆豬或者薯餅，咁我揀咗轉奶油脆豬奶，但就唔係我心水喇，因為我鍾意多煉奶，但係依度嘅奶油豬就相反，係多牛油少煉奶😅朋友叫咗下午茶餐嘅流心芝腿西多士配滷水雞髀🥪🍗西多士炸得金黃，以半溶芝士同火腿做餡又幾有特色，好味😋😋我地仲加多一隻滷水雞髀，$16一隻非常抵食，坊間大多數都起碼賣廿幾蚊喇💲飲品係正常水準☕️仲有值得一讚嘅係侍應嘅服務，隔離枱有人嫌杯飲品有啲淡，侍應馬上答應沖過一杯，態度好好👍
黑松露炒蛋多士餐🍳
炒蛋夠香滑，保留到適量蛋汁，更重要嘅係黑松露嘅份量一啲都唔孤寒，每一口炒蛋都有濃濃嘅松露香，滿足晒我依個黑松露lover💛
個餐連埋一塊薯餅，薯餅係比較厚身嗰款，外層香脆又唔會炸到乾爭爭💦
多士可以轉做蒜蓉脆豬、奶油脆豬或者薯餅，咁我揀咗轉奶油脆豬奶，但就唔係我心水喇，因為我鍾意多煉奶，但係依度嘅奶油豬就相反，係多牛油少煉奶😅
朋友叫咗下午茶餐嘅流心芝腿西多士配滷水雞髀🥪🍗
西多士炸得金黃，以半溶芝士同火腿做餡又幾有特色，好味😋😋
我地仲加多一隻滷水雞髀，$16一隻非常抵食，坊間大多數都起碼賣廿幾蚊喇💲
飲品係正常水準☕️
仲有值得一讚嘅係侍應嘅服務，隔離枱有人嫌杯飲品有啲淡，侍應馬上答應沖過一杯，態度好好👍
Post
