Video
Read full review
2022-05-11
388 views
疫情有好轉，終於放寬返可以約埋朋友一齊食晚餐，咁就食串燒啦！燒烤糖呢個名聽咗好耐，其實各區都有分店，今次就揀咗中環九如坊呢間，諗住呢間裝修新潮啲，同埋位置始終距離中上環都要行10分鐘，應該唔會咁多人。不過亦都因為咁，有個唔熟中上環嘅朋友，不停行錯路，兜咗一個超級大圈，所以遲大到點都好啦，終於齊人可以開始叫！餐牌勁多選擇，可能真係太耐冇見，我哋當係食自助餐咁樣，不停加單食到好飽好飽，但係我哋覺得最出色嘅就係呢啲：蒜蓉茄子牛小排牛舌雞皮墨魚滑（呢個追加左三次）雞腎鰻魚飯我諗我哋當晚都叫咗成二十幾款，而當中淨係有兩樣覺得麻麻哋：免治雞肉（個蛋唔夠香，肉質都有少少唔夠紮實）桂花蕃茄（個人其實都好鍾意桂花，但係覺得個桂花味真係太濃，同埋個蕃茄太水份啦）食完真係飽到飛起，不過已經約定下次再去試：羊架、淮山、蘋果鵝肝、菠蘿！舖頭其實位置十分之大，加上當晚其實得四台客，大家都可以坐得好開，就算隔籬枱有啲飲醉嘅情況，講嘢大聲，都唔會太影響到我哋。另外最鍾意嘅就係食完之後都冇油煙味！唯一我覺得可以改進少少，就係可以勤力啲加水，每次都要問三四次，先有人肯幫我哋加
食到好飽好飽，但係我哋覺得最出色嘅就係呢啲：
蒜蓉茄子
牛小排
牛舌
雞皮墨魚滑（呢個追加左三次）
雞腎
鰻魚飯
我諗我哋當晚都叫咗成二十幾款，而當中淨係有兩樣覺得麻麻哋：
免治雞肉（個蛋唔夠香，肉質都有少少唔夠紮實）
桂花蕃茄（個人其實都好鍾意桂花，但係覺得個桂花味真係太濃，同埋個蕃茄太水份啦）
食完真係飽到飛起，不過已經約定下次再去試：羊架、淮山、蘋果鵝肝、菠蘿！舖頭其實位置十分之大，加上當晚其實得四台客，大家都可以坐得好開，就算隔籬枱有啲飲醉嘅情況，講嘢大聲，都唔會太影響到我哋。另外最鍾意嘅就係食完之後都冇油煙味！
唯一我覺得可以改進少少，就係可以勤力啲加水，每次都要問三四次，先有人肯幫我哋加
Post