Video
Read full review
2019-07-30
83 views
朝早起中環做完野，要搵食緊係去威靈頓街啦。由街頭開始行，間間都咁多人，就黎去到街尾有間鋪凹咗入去，幾得意，叫做炊豕店，我都排埋一份試下。都有十幾個人排緊，但係我一個人排咗一張枱就入咗去搭枱喇。入面裝修好古式古鄉，好多懷舊野，枱同櫈都係木造。有九款主菜，平均都中係$5x，個價錢起中環算係中下價。於我就叫咗個名最長嘅叉粒豆角蔥花炒滑蛋飯，再加麻辣魚蛋同可樂。等咗一陣，主菜黎喇，炒蛋好大塊，冚哂成個碗面，而中間呢，就係叉燒同豆角仲有蔥花，蛋嘅四周就淋咗甜豉油，重有條菜搭住。第一啖當然要食哂所有材料啦，飯係珍珠米，配豆角同叉粒，令到成件事都好多粒，好有咬口，蛋就啱啱熟，唔會老。不過要留意豉油有啲太甜，如果唔鍾意太甜可以叫佢走豉油，本身炒蛋都已經好夠味因為有叉粒。如果蔥花同豆角可以再多啲就更好喇。食緊同時麻辣魚蛋都黎埋，魚蛋比炸蒜覆蓋着，每一粒都有小小麻辣油。魚蛋熱辣辣，佢嘅麻辣，連我咁食唔到辣嘅人都可以接受到，相當惹味，值得推介。啲炸蒜真係好多，所以咬落去要小心啲，如果唔係就會卡住啲牙因為啲炸蒜都幾硬。食完飯飲番罐冰凍嘅可樂真係好爽。佢啲碗碗碟碟都好有特色，係公雞碗，鐵匙羹，仲有鐵碟仔。好似返
由街頭開始行，間間都咁多人，就黎去到街尾有間鋪凹咗入去，幾得意，叫做炊豕店，我都排埋一份試下。
都有十幾個人排緊，但係我一個人排咗一張枱就入咗去搭枱喇。
入面裝修好古式古鄉，好多懷舊野，枱同櫈都係木造。
有九款主菜，平均都中係$5x，個價錢起中環算係中下價。於我就叫咗個名最長嘅叉粒豆角蔥花炒滑蛋飯，再加麻辣魚蛋同可樂。
叉粒豆角蔥花炒滑蛋
$52
3 views
0 likes
0 comments
等咗一陣，主菜黎喇，炒蛋好大塊，冚哂成個碗面，而中間呢，就係叉燒同豆角仲有蔥花，蛋嘅四周就淋咗甜豉油，重有條菜搭住。
第一啖當然要食哂所有材料啦，飯係珍珠米，配豆角同叉粒，令到成件事都好多粒，好有咬口，蛋就啱啱熟，唔會老。
不過要留意豉油有啲太甜，如果唔鍾意太甜可以叫佢走豉油，本身炒蛋都已經好夠味因為有叉粒。如果蔥花同豆角可以再多啲就更好喇。
麻辣炸魚蛋
$20
5 views
0 likes
0 comments
食緊同時麻辣魚蛋都黎埋，魚蛋比炸蒜覆蓋着，每一粒都有小小麻辣油。
魚蛋熱辣辣，佢嘅麻辣，連我咁食唔到辣嘅人都可以接受到，相當惹味，值得推介。
啲炸蒜真係好多，所以咬落去要小心啲，如果唔係就會卡住啲牙因為啲炸蒜都幾硬。
食完飯飲番罐冰凍嘅可樂真係好爽。
佢啲碗碗碟碟都好有特色，係公雞碗，鐵匙羹，仲有鐵碟仔。好似返返去七，八十年代咁樣。
重有咁多款未試過，下次拉大隊再同朋友試吓其他野，一次過試多啲先。
Post
