九份飽 (蜆殼街) (Moved) New Location

好耐無食台灣野，㨂左呢間起蜆殼街既台式小店。雖然夜媽媽，但間鋪掛左好多紅燈籠勁搶眼，店內佈置都好有台灣特色，店員都係講普通話。✨ 呢度啲嘢食價錢都幾平，而且唔收+1 ，有啲飲品加配都係$10。✨台北豬腳飯（$40): 呢個價錢估唔到碗飯都幾大，豬腳都有四舊。豬腳炆到超腍勁入味，連平時唔食豬腳嘅我都好鍾意，伴菜同酸蘿蔔都好味，唯一失色係d 飯腍左d.✨食台灣野點可以唔飲冬瓜茶，冬瓜茶叫咗半糖，甜度啱啱好👍🏻～正！百香果綠茶都好飲，果味夠濃。✨台灣香腸（$35): 又係我嘅另一至愛， juicy 台灣腸，配埋蒜片更惹味。✨鹽酥雞（ $35 ）：外皮酥脆唔會太咸，裏面既雞肉仲keep 住咁嫩滑。✨肉鬆起司蛋餅（$30): 外皮軟綿綿，加埋肉鬆，雞餅，芝士，味道都幾豐富。面頭醬汁甜甜地，之後點埋個辣辣地既醬就更加正。