Video
Read full review
2017-05-07
192 views
今晚，住附近嘅街坊帶左我黎三朗食車仔麵，佢話呢間鋪頭仔雖然係新開嘅，但做車仔麵做得有板有眼，而且價錢實惠，好值得試吓。可能真係地點比較偏僻嘅關係，我哋七點幾嚟到，呢度都冇乜人。鋪面裝修簡單，企理乾淨。睇下張點菜紙，除咗車仔麵仲有串燒，而且價錢真係好抵，計落唔使＄50已經食到5餸麵如果想食得豪少少，仲可以飲啲靚啤酒同埋食燒海鮮，豐儉由人。老友減肥，要咗碗4餸淨餸菜底。一上枱聞到陣好鮮嘅味，原來碗車仔麵落咗好多蝦乾仔喺面，完全提升左碗車仔麵嘅味道。老友碗麵有唐生菜，豬大腸，蝦春卷，炸魚片頭同埋黑木耳。除咗豬大腸，樣樣都好健康，的而且確，喺車仔麵店食到有益嘅黑木耳真係比較少有老友話咁多個餸最正係蝦春卷 ，非常香脆，好在我都有剔到我就比較貪心，叫咗個五餸麵，非常之豐富。樣樣餸都好好食，我覺得豬大腸同蘿蔔都係必食之選。豬大腸煮得好腍好入味；而蘿蔔就香甜無渣我想講枱面呢樽自家製辣醬絕對係不能錯過嘅！佢味道唔係好辣，但非常惹味，而且入面有好多蝦乾仔，食落好鮮味，撈埋車仔麵食無得頂串燒製作需時，我哋差唔多食完碗麵先到，真係即叫即燒架！芝士腸燒到爆芝，外脆內軟，好味！不過一串得四粒就有啲唔夠喉囉燒牛舌份
可能真係地點比較偏僻嘅關係，我哋七點幾嚟到，呢度都冇乜人。鋪面裝修簡單，企理乾淨。
睇下張點菜紙，除咗車仔麵仲有串燒，而且價錢真係好抵，計落唔使＄50已經食到5餸麵
如果想食得豪少少，仲可以飲啲靚啤酒同埋食燒海鮮，豐儉由人。
老友減肥，要咗碗4餸淨餸菜底。
四餸車仔麵
2 views
0 likes
0 comments
一上枱聞到陣好鮮嘅味，原來碗車仔麵落咗好多蝦乾仔喺面，完全提升左碗車仔麵嘅味道。老友碗麵有唐生菜，豬大腸，蝦春卷，炸魚片頭同埋黑木耳。除咗豬大腸，樣樣都好健康，的而且確，喺車仔麵店食到有益嘅黑木耳真係比較少有
老友話咁多個餸最正係蝦春卷 ，非常香脆，好在我都有剔到
2 views
0 likes
0 comments
我就比較貪心，叫咗個五餸麵，非常之豐富。
五餸車仔麵
0 views
0 likes
0 comments
樣樣餸都好好食，我覺得豬大腸同蘿蔔都係必食之選。豬大腸煮得好腍好入味；而蘿蔔就香甜無渣
自家製辣醬
1 views
0 likes
0 comments
我想講枱面呢樽自家製辣醬絕對係不能錯過嘅！佢味道唔係好辣，但非常惹味，而且入面有好多蝦乾仔，食落好鮮味，撈埋車仔麵食無得頂
串燒製作需時，我哋差唔多食完碗麵先到，真係即叫即燒架！
燒芝士腸
57 views
0 likes
0 comments
芝士腸燒到爆芝，外脆內軟，好味！不過一串得四粒就有啲唔夠喉囉
燒牛舌
1 views
0 likes
0 comments
燒牛舌份量比較多，都燒得幾香口，不過質感有啲硬。
燒雞脾肉
5 views
0 likes
0 comments
我哋覺得最正係燒雞脾肉，落左孜然粉係面，食落好惹味，而且雞肉嫩滑，唔錯
食咗咁多好味嘅野一人先至幾十蚊，街坊果然冇介紹錯
Post
