Season Oyster & Wine Bar (Closed)

喺銅鑼灣同天后之間嘅一條小街入面有一間小店，地理位置唔算方便📍，但係就算平日嘅夜晚都有唔少客人👩‍👩‍👦‍👦，一定有原因嘅.對間餐廳唔太熟悉，本身都唔抱太大期望，但係反而食物質素都唔錯😮，價錢仲要幾平🤑，幾抵食.佢哋做緊個promote，只要叫一支酒🍾，就可以優惠價叫半打生蠔🦪，好抵食，生蠔係美國生蠔🦪，海水味都重，另外我哋仲叫左南非🇿🇦同法國🇫🇷生蠔.海鮮叫咗白酒煮馬尼拉蜆，雖然蜆唔係好大隻，但係勝在白酒汁夠香😋，直頭想當湯飲，另外仲叫咗芝士焗原隻龍蝦🦞，龍蝦幾多膏，龍蝦肉都夠爽.肉類就叫咗美國🇺🇸特級安格斯肉眼🥩，medium rare，有驚喜喎，肉質夠淋滑又有肉味，值得叫😋