泰苑小食

Open Now

Now Closed

平日九龍城街市，一定去x園，今次因為過年，佢收左爐，就試吓旁邊嘅泰菜啦。真係覺得委屈左佢，喺x園個大招牌隔離，其實以佢既水準絕對可以獨當一面。特別係個青咖哩飯，即叫即做，50蚊連飲品，實在物超所值。午餐選擇多，一律50蚊。晚市小菜選擇亦多，而且比一般泰菜館平。今次3個人，點了 蝦醬炒金邊粉， 青咖哩牛肉飯 ，蝦餅魚餅雙拼，火車頭炒飯， 三拼沙嗲1/2打，埋單都係270蚊，簡直超值。蝦醬好香，青咖啡椰汁味好濃，虾餅魚餅夠鬆化，沙嗲串串厚肉，炒飯就不過不失。以呢個價錢，已經十分唔錯，絕對會再幫襯。