Video
Read full review
2021-08-07
221 views
今日約咗朋友收工喺佐敦食個飯，聚一聚舊👀 朋友就建議去打邊爐，但兩個人去打邊爐其實都叫唔到好多配料，最後索性揀咗呢間一人一鍋嘅台式火鍋🍲 我一直覺得一人一鍋係好偉大嘅發明嚟，對於我呢啲口水潔癖嘅人，可以唔洗同朋友share一個鍋🙈 感覺上係衞生啲！😹餐牌上有十二款鍋，其中一款係期間限定！ 叫套餐價錢係$115，會有一個鍋+飯/粗粉絲+凍低糖紅茶/綠茶。+$7可以轉滷肉飯或烏冬，轉其他台式飲品都可以額外加錢。價錢方面我覺得同其他台式一人一鍋店差唔多👀 我今次第一次嚟食，當然要試人氣推介嘅鍋啦😂 試吓水温先🙊 ❤️ 台式麻辣鍋 $115唔好見佢好似細細鍋，其實配料都幾多，有麻辣鴨血、牛肉、爆汁牛丸、娃娃菜、蟹籽丸、芝士魚豆腐、蛋餃、鳴門卷、炸枝竹、冬菇、金菇、蜂巢豆腐！湯底有得揀大中小辣，我揀咗小辣🙊 湯底幾香辣，味道都接近台灣嗰啲麻辣鍋👀 初頭覺得唔算好辣，去到後期開始覺得麻😂 幾過癮！ 如果食得辣嘅話，可以叫中辣或以上🔥 配料嚟講，最好食係麻辣鴨血&芝士魚豆腐！😚 鴨血配上麻辣湯真係完美配搭！另外我仲加咗個$7滷肉飯，真係超飽肚！❤️ 芝士竹輪壽喜燒 $115配料同麻辣鍋有些少分別，有芝士
我一直覺得一人一鍋係好偉大嘅發明嚟，對於我呢啲口水潔癖嘅人，可以唔洗同朋友share一個鍋🙈 感覺上係衞生啲！😹
餐牌上有十二款鍋，其中一款係期間限定！ 叫套餐價錢係$115，會有一個鍋+飯/粗粉絲+凍低糖紅茶/綠茶。+$7可以轉滷肉飯或烏冬，轉其他台式飲品都可以額外加錢。價錢方面我覺得同其他台式一人一鍋店差唔多👀 我今次第一次嚟食，當然要試人氣推介嘅鍋啦😂 試吓水温先🙊 ❤️ 台式麻辣鍋 $115
唔好見佢好似細細鍋，其實配料都幾多，有麻辣鴨血、牛肉、爆汁牛丸、娃娃菜、蟹籽丸、芝士魚豆腐、蛋餃、鳴門卷、炸枝竹、冬菇、金菇、蜂巢豆腐！湯底有得揀大中小辣，我揀咗小辣🙊 湯底幾香辣，味道都接近台灣嗰啲麻辣鍋👀 初頭覺得唔算好辣，去到後期開始覺得麻😂 幾過癮！ 如果食得辣嘅話，可以叫中辣或以上🔥
配料嚟講，最好食係麻辣鴨血&芝士魚豆腐！😚 鴨血配上麻辣湯真係完美配搭！另外我仲加咗個$7滷肉飯，真係超飽肚！
❤️ 芝士竹輪壽喜燒 $115
配料同麻辣鍋有些少分別，有芝士竹輪、雞蛋、南瓜、粟米、牛肉、娃娃菜、芝士魚豆腐、蛋餃、鳴門卷、炸枝竹、冬菇、金菇、蜂巢豆腐！好日式🇯🇵湯底啱哂唔鍾意食辣嘅朋友，味道係甜甜地嘅，唔會太鹹。特別想提吓個芝士竹輪，我一咬就即刻爆漿💥辣親我個嘴仔🙊 原來入面係有流心芝士，幾好食！呢個鍋我配咗粗粉絲，粉絲索哂啲湯汁，好滿足！😝
❤️ 鹽酥甜不辣 $22
甜不辣呈扁平狀，口感煙韌。加咗椒鹽粉，鹹香滋味令人忍唔住一啖接一啖咁食！❤️ 夜市雞皮捲 $36
平時好少見到有雞皮捲😲 見到當然即刻叫，雞皮夠薄表面微脆，食落唔油膩。中間嘅肉紥實香口😎另外仲叫咗一杯熱招牌奶茶&熱黑糖薑母茶！ 比較推薦黑糖薑母茶，我揀咗少甜，薑味夠濃夠辛辣，好養生😏 啱哂我呢啲寒底體質飲💪🏻
餐廳推薦度：⭐️⭐️⭐️⭐️ (4/5)
價錢方面都幾抵食，配料又多！店員服務都好好，見燃料燒完會主動幫手換！👏🏻抵讚～
補返其他Menu👇🏻
Post
