麻辣川米線

Open Now

Now Closed

今日去同老媽子去左葵芳行街街，係行之前就當然要醫醫肚先，行左一輪都唔知食嘜好下就隨意咁入左這間米線舖食米線去入到去環境都好乾淨同舒服，冷氣又夠，對熱底既我黎講就最正！我同媽子就叫左呢款係其他店舖好少有得食既花雕雞翼，送來時已好香口，烤得外脆內軟，花雕味唔算好勁，係幾好食！之後仲叫咗個大腸腩肉金菇糖心蛋酸辣米線，酸辣味適中，夠晒味之餘亦唔會好咸，而腩肉係五層肉，肥瘦分明，豬大腸明顯有消除多餘嘅腸內肥膏，清洗乾淨而冇異味，麵質亦很爽彈！大熱天時就當然要飲返杯凍檸檬茶潤吓喉先舒服，我同媽子都係點左凍檸檬茶，夠凍外，茶底又唔會澀，好飲！