台食館 (獨立大廈)

Open Now

Now Closed

前幾日係旺角附近行街 所以就係附近搵食 經過見到呢間餐廳餐牌幾特別就入黎試下：）餐牌種類都唔少好吸引。滷肉飯同滷肉拌麵系列都各有十幾個唔同口味選擇，仲有台灣特色的紅燒牛肉麵，大腸麵線同埋好多唔同款的台灣特色小食。飲品亦有幾多選擇，包括最經典的台灣飲品 珍珠奶茶天熱唔想食炸野，所以點左綜合拌麵：）{綜合拌麵}$65滿分的滷肉拌麵，滷肉份量幾多，入口即化、肥而不膩。拌麵醬汁有少少麻醬味同滷汁味，夠撈曬成碗麵。濃郁古早味的醬汁用嚟撈飯食真是一流啊！醬軟骨燜得軟爛入味，帶有滷水香，唔錯。滷豆腐好嫰好滑，略帶點微鹹。滷蛋不過不失，同滷肉拌麵好夾。【凍珍珠奶茶】跟餐價$8珍珠奶茶味道幾好，茶底夠出色。飲落去茶香味好濃，珍珠口感亦都煙韌有嚼頭。