捌捌陸台式料理 (D2 Place ONE)

Open Now

Now Closed

兩個人係D2 Place 行街，想食台灣野就見到捌捌陸幾多人食緊。本來想叫蛋餅，可惜夜晚原來無得叫蛋餅😭第一樣上嚟嘅係台式麻辣雞煲，份量超級大，而且仲熱辣辣嘅！雞肉好新鮮又好味，辣味剛剛好，洋蔥吸收曬d味，都幾正。而台式滷水拼盤嘅大碟真係份量好足夠，牛𦟌入味又有啲咬口，豬手好新鮮，淋汁又好味，食落又有彈牙嘅質感，富有骨膠原。牛肚同牛筋都好新鮮好味，而涼伴嘅木耳絲都好爽口，香味撲鼻，真係好開胃。最後嚟到紅燒牛肉麵，牛肉好新鮮好味，麵條又好彈牙又好味。飲品方面叫左捌捌陸水果茶同埋凍嘅蜂蜜柚子茶。2個都好唔錯，唔會太甜。