如意

Open Now

Now Closed

今日去咗另一間係銅鑼灣嘅餐廳食lunch omakase。 如意嘅位置好方便，喺正Times Square隔離，裝修清雅舒適，呢兩方面都攞滿分。跟住講吓壽司。我覺得整體來講雖然說不上有什麼驚喜，不過都合格嘅。食材都係新鮮嘅，不過就全部都係預期之中嘅選擇以及次序。我唯一有少少意見嘅就係佢哋嘅壽司飯，我覺得偏林咗少少。反而我自己比較有意見嘅係服務方面。雖然侍應係有禮貌嘅，不過個師傅基本上一句都冇同我哋講句嘢。當日嗰位師傅serve四個客，當中包括我同我女朋友。我哋雖然有少少不滿，因為真係唔知自己食緊咩，不過我哋都冇出聲。另外嗰兩位就直頭當面話咗個師傅一次，不過佢都仍然係唔出聲，非常有性格😂正如我所講，由於真係方便，食物亦可以，所以我都可能係會再嚟。不過如果能夠再改善一下服務，我就會更加滿意啦。