麵屋 元祖達摩 (Closed)

星期五晚又係大埔覓食夜，今次近近地，揀左間係鐵路站附近嘅拉麵店。原來晚市都有套餐，我地一行四人，叫左個四人餐$448，內有4碗拉麵(可以揀任何一款湯底)、4個$40以下嘅小食、4罐飲品。豬軟骨櫻花蝦上枱果陣蝦味撲鼻，飲落都有蝦味，而且少少辣，唔錯，唯一缺點係唔夠熱。麵量唔多，男仔食一定唔夠。豬軟骨煮到好淋，而且有三大舊，非常滿足。豚腩雞骨醬油我只試左湯底，有淡淡嘅雞味。豚腩辛辣(小辣)呢個辣度比櫻花蝦辣少少。豚腩好好味，豬味濃郁。牛肉辛辣(中辣)日式嘅牛肉即係肥牛，相當肥，而且無牛味，一致認為牛肉唔好味。所有小食雖然都係入貨，但勝在新鮮炸出黎，熱辣辣、脆卜卜，呢個好加分。吉列炸蝦蝦肉細，炸衣較厚。大阪燒每件外層都炸到啡黃色，再加上大量醬汁，唔中意食大阪燒同椰菜嘅朋友都夾黎食，因為係佢眼中，只係一舊炸油器😆。中唔中意就見人見智，但肯定呢度唔係正宗大阪燒。 北海道蟹肉薯餅預左無蟹肉味，薯蓉似係用粉開出黎果D薯味。我個人唔太中意。一口蝦多士蝦肉好淋，而且蝦味一般，油膩感偏重。埋單連加一，人均$123，每人一碗拉麵、小食、飲品，性價比都算唔錯，但味道唔可以太高要求😅。另外，餐廳只收現金。