韓台站 (Closed)

有時想食韓國野，就鍾意叫韓台站嘅外賣。韓式拌粉絲有好多粉絲同埋蔬菜，就無乜其他配料，勝在炒得幾香，麻油味十足。叫左兩款紫菜飯卷，一款係午餐肉，一款係芝士。紫菜都仲脆脆地，包住醃蘿蔔、魚片、午餐肉等材料，其實兩類相差唔太大。有芝士味道係特出一點。牛肉什錦拌飯牛肉都唔少，仲有一隻太陽蛋，最好就係拌上韓式辣椒醬，辣辣地幾好味。蜜糖芥末炸雞塊份量都唔少，大大舊，就普普通通嘅一件用炸粉包住嘅雞肉。個醬都ok嘅。外賣份量都相當多。價錢平，係好抵食。馬鞍山少韓國野食，止痕之選。