多多雞大排檔

Open Now

Now Closed

聽朋友講話佢呢到嘅招牌燒雞好食，所以專登黎試一試，職員話要等30分鐘先食得，所以等嘅過程就嗌咗其他小菜食下蒸蠔仔粉絲蠔仔嘅分量足、食落唔腥，蒜蓉味唔會話好重，冇搶走咗蠔本身嘅鮮味👍🏻椒鹽海中蝦椒鹽海中蝦煎得好香脆，就黎連蝦殼都可以吞埋😂椒絲通菜腐乳炒椒絲通菜腐乳炒嘅通菜夠曬爽脆，小菜黎講幾出色，本身個人幾中意食通菜，見佢有啫啫煲，下次試埋佢嘅通菜啫啫煲先食得七七八八嘅時候燒雞都得了。果然係佢地嘅招牌，燒雞皮脆而內嫩多汁，雖然有另外提供埋椒鹽，但個人覺得佢地醃得相當入味，唔洗再額外點椒鹽已經好好食。店家會提供埋手套同剪刀比食客自己剪開隻燒雞，幾得意嘅體驗。臨走嘅時候先留意到呢間大排檔居然營業至凌晨4點！絕對係同朋友聚會吹水嘅好地方😂下次約多啲朋友再黎呢到食多次先！