茶舍 (北帝街)

Open Now

Now Closed

今日放工想食下西餐，見到呢間餐廳嘅環境舒適，裝修別緻，於是決定晚餐食呢間，一打開餐牌發現原來中日西餐都有，好多選擇，我哋最後叫左一個二人套餐。套餐跟左沙律同餐湯，沙律份量夠，餐湯飲到龍蝦味，味道同稠度都啱啱好。主菜穀飼安格斯牛叫左五成熟，配扁意粉蒜茸汁，安格斯牛肉身厚同好鮮嫩，食落外脆內軟，每啖都好有牛味，配上翠玉瓜、粟米、蕃茄仔，可以解膩。千島海鮮Pizza好足料同皮好脆，Pizza上面平均鋪好海鮮、粟米料、煙肉、洋蔥、菇，連埋芝士食，口感豐富又好味。白汁芝士焗西蘭花入面仲有好多煙肉，融化左嘅芝士配上西蘭花一齊食，味道好香，健康得黎又好味。總括而言，餐廳坐得舒服同性價比高，得閒可以再黎食。