Maki拉麵 (Closed)

Maki Ramen位於油麻地，之前喺近廟街嗰邊，宜家搬咗去同樣係油麻地嘅另一個地方。其實都bookmark咗好耐，因為之前見到有報道介紹呢度有款藍色嘅拉麵，覺得好特別，嚟到嘅時候知道原來係限定款，都唔緊要嘅，試吓其他款啦☺️揀咗一款櫻花蝦辛辣拉麵，呢度嘅櫻花蝦唔係就咁灑上去，而係將佢造成炸蝦餅咁，幾脆身。而且湯底味道都好香濃。另外黑蒜油豚骨拉麵蒜油味真係好香 叉燒燒到有少少濃邊，油脂滲出來，勁正。小食都叫咗幾款，分別有脆卜卜嘅魔鬼燒魚翅乾，充滿肉汁嘅厚燒牛舌，同埋鹽燒雞軟骨串加雞軟骨餃子。整體來講都真係好食，亦都好抵食。