九龍餐室

Open Now

Now Closed

成日經過呢間茶餐廳門口, 次次都俾門口既各式各樣麵包吸引😋今次見到菠蘿包熱辣辣新鮮出爐, 就決定去買返個黎食👍🏼然後見到個菠蘿檸檬撻又好似幾特別, 所以都買左個黎試食下。菠蘿包 $10新鮮出爐既菠蘿包唔洗講味道點都唔會差得出邊, 即使買完隔左10分鐘左右先食都仲好好食👍🏼菠蘿包10蚊大大個, 咬落菠蘿皮好脆, 而麵包身好實在😍唔係空氣包咁一咬就扁左, 呢點值得贊, 下次經過會再買黎食。菠蘿檸檬撻 $15因為未食過呢款撻, 所以都會諗味道應該係酸酸地既蛋撻🍋但原來呢個撻入面係蛋糕黎, 上面在放左片罐頭菠蘿🍍而撻皮都好薄。食唔到有檸檬味, 好似食緊蛋糕咁, 比較乾身, 要配飲品一齊食好D。