萬發海鮮菜館 (Closed)

新年後gathering, 未試過呢間所以試下。齋睇菜牌價錢唔平, 一般小炒要over$60, 海鮮的話要$100, 但此店不用俾茶芥同加一, 而且碟頭大, 我們一行6人, 叫左8個餸同啤酒都係total$615, 比想像中平。椒盬豆腐 - 普通霸皇雞 - 普通雞蛋蒸魚腸 - 加入大量蔥芹菜去腥味, 但始終食唔慣d魚腸腥味, 要落多d胡椒粉去腥。炸大腸 - 大腸肥美豉油皇鴨下巴 - 原本賣相有點嚇人, 但超入味, 正。砵酒桶蠔 - $120, 好鮮甜, 雖然炸完先再炆, 但無成口粉的情況。如果要本地生蠔會平d, 但桶蠔會較大隻。蜜椒薯仔牛粒 - 薯仔先炸過, 再用蜜糖炒, 甜甜地幾好味, 牛粒稔身, 但食得出無梳打粉。石頭鍋糯米飯 - 石頭鍋存熱, 食到尾仍是暖, 而且鍋底有薄薄飯焦, 十分香口。