小辣椒 (Closed)

一行三人黎到小辣椒 平日七點幾唔洗等位就可以入 店內裝修比較舊式 而全場幾乎只有我地講廣東話 野食方面都幾抵食！ 三件南瓜餅$20微甜南瓜餅食落煙煙韌韌 少許油膩 但整體黎講好香口好好味麻辣粉皮 可能為左迎合香港人 辣度降低 粉皮幾煙韌唔係滑身個種 花椒味幾香 但就略嫌唔夠辣極力推介麻油雞 佢唔係芝麻油個隻麻油 係令你麻痹個種花椒油 第一啖食落冇乜野 但再食耐啖就發覺個咀同脷都麻痹晒 好香既花椒味 的雞肥美兼且冇雪藏雞個種又鞋又冇味既感覺底下有好多粉絲 吸晒的湯汁好正 金銀蛋莧菜 的菜好硬好似煮唔透咁 可能係本身的菜唔靚 唔合格最後水煮羊肉 羊既味道都幾勁 唔喜歡羊既朋友可能會覺得羶 雖然睇落好多辣椒但一樣都係辣度唔夠 但香味十足 羊肉屬於比較薄片配埋紅薯係底吸晒的湯汁又係好正飲左三支啤酒三個人都係二百幾蚊！夠晒抵食 口味應該配合香港人調教了 但如果期待食好辣好正宗既川菜可能就未必滿足到你整體黎講都會再幫襯