燒肉屋 (清風街)

搵到天后日式燒肉餐廳，一入到去舖頭裝修風格都非常日系，牆上仲有唔同嘅漫畫。今次食嘅係鳥豚一人放題餐，有七款唔同嘅肉可以任食，仲有五款前菜任食，價錢係$198。七款嘅肉，包括四款豬肉，同埋三款雞肉。前菜推薦泡菜，好惹味，又唔算好辣！仲可以任食生菜，唔怕食到好滯～其中果味黑豚好好食，甜甜地，好易入口。推薦地雞雞軟骨，燒完好香口，忍唔住係咁食～食物上菜嘅時間都好快，75分鐘都夠食！飲品叫咗2杯，百香果荔枝梳打同海中錦鯉梳打，兩杯都唔太甜，不錯～另外星期一至四會送多個雪糕！